មិនចង់បាត់បង់ តែខ្ញុំមិនថែរក្សា

ដល់ពេលបែកទើបស្រែកថាសោកស្ដាយ
ពេលនេះ ម្នាក់នេះ កំពុងខូចចិត្ត សោកស្ដាយ តែខ្ញុំអាចធ្វើអ្វីបាន ក្រៅតែពីនឹកអង្គុយទូលរែកអារម្មណ៍មួយហ្នឹង ។ ខ្ញុំដឹង ថាខ្ញុំខុស ខុសខ្លាំងបំផុត ខុសដែលបណ្ដោយឱ្យមនុស្ស ដែលមានចិត្តបរិសុទ្ធ ស្មោះត្រង់ម្នាក់ ត្រូវមកខូចចិត្ត អស់សង្ឃឹម ត្រឹមមនុស្សអាត្មានិយមដូចខ្ញុំ ។ ខ្ញុំដឹង ថាអ្នកសោកស្ដាយ ស្ដាយណាស់ ដែលមិនគួរណា ពេលមុននោះ អ្នកមកស្គាល់ មនុស្សដូចខ្ញុំ តាមពិតទៅ ខ្ញុំមិនគួរចាប់ផ្ដើមទេ ព្រោះការចាប់ផ្ដើមរបស់ខ្ញុំ បានបំផ្លាញអារម្មណ៍ ទឹកចិត្ត និងក្ដីស្រលាញ់របស់អ្នក ខ្ញុំជំពាក់ទឹកចិត្ត ខ្ញុំជំពាក់ភាពស្មោះត្រង់ ទោះចង់វិលត្រឡប់ក្រោយ តែអ្នកប្រឆកដជាមិនឱ្យខ្ញុំ មានឱកាស ប៉ះប៉ូវនូវកំហុសឆ្គងនេះឡើយ សុំទោស! ខ្ញុំអាចបានត្រឹម និយាយពាក្យមួយម៉ាត់ហ្នឹងតែប៉ុណ្ណោះ ព្រោះខ្ញុំដឹង ថាអ្នកមិនចង់ស្ដាប់ពាក្យអ្វីទាំងអស់ ព្រោះខ្ញុំបានក្លាយជាមនុស្សអាក្រក់បំផុតហើយសម្រាប់អ្នក ម្នាក់នេះលែងមានក្នុងក្រសែភ្នែកអ្នកទៀតហើយតើមែនទេ ?