អ្វីៗគ្រប់យ៉ាងនឹងល្អប្រសើរ

ថ្ងៃមួយអ្នកអស់កម្លាំងល្ហិតល្ហៃស្រុតដួលលើប្រឹថពី ។ អ្នកយំសោកបោកខ្លួនដូចមនុស្សគ្មានស្មារតី ។ អ្នកបន្ទោសថាអ្វីៗទាំងអស់លើលោកនេះសុទ្ធតែមិនដូចបំណងរបស់អ្នក.....អ្វីៗមិនដូចប្រាថ្នា ជោគជតាមិនស្ថិតនៅខាងអ្នក ។ សេចក្ដីឈឺចាប់ដែលអ្នកបានទទួលវាសែនធំធេងមហាសាល រហូតគ្មានអ្វីអាចព្យាបាលបេះដូងប្រេះស្រាំរបស់អ្នកបាន ។ អ្នកបណ្ដោយឲ្យទឹកភ្នែក ហូរស្រក់មិនដាច់ បណ្ដោយឲ្យបេះដូងពើតផ្សា អួលងំទុកឲ្យក្ដីសុបិនវិនាសអន្តរាយ ហើយសុខចិត្តឱបត្របោមក្បាលជង្គង់ ទទួលយកភាពបរាជ័យ ។

ហេតុអ្វី ក៏អ្នកចុះចាញ់ខ្លួនឯងបែបនេះ ធ្លាប់មានវិនាទីណាដែលអ្នកបែរមកមើលខ្លួនឯងឲ្យបានច្បាស់នោះទេ ? កែវភ្នែកដែលជោគជាំដោយជលនេត្ររបស់អ្នក ត្រៀមនឹងចែងចាំងរស្មីវិញហើយឬនៅ ?👄​ បបូរមាត់អ្នក ដែលធ្លាប់តែខាំពេបចូលគ្នាដោយក្ដីឈឺចាប់ ត្រៀមនឹងបញ្ចេញស្នាមញញឹមឡើងវិញឬទេ ? ជើងដែលទន់ស្រុតដួលដោយភាពល្ហិតល្ហៃ ត្រៀមក្រោកឈរជាថ្មីម្ដងទៀត ខណៈដែលបេះដូងរបស់អ្នកនៅតែលោតឬទេ?

ធ្លាប់មានវិនាទីណាទេ ដែលអ្នកក្រលេកមើលជុំវិញខ្លួន ? ផ្លូវខាងមុខសណ្ដូកវែងឆ្ងាយ រង់ចាំស្វាគមន៍ជំហានរបស់អ្នក​ ។ ពិភពលោកនេះធំល្វឹងល្វើយរង់ចាំអ្នក​ ឲ្យចេញទៅស្វែងយល់ ។ ក្ដីសង្ឃឹមប្រៀបដូចជាពន្លឺរស្មីត្រៀមចែងចាំងក្នុងកែវភ្នែករបស់អ្នក ក្ដីសុបិន.....នៅហោះហើររង់ចាំអ្នកនៅថ្ងៃស្អែក ។ សេចក្ដីសុខស្ថិតនៅក្នុងលំហខ្យល់ រង់ចាំឲ្យអ្នកបឺតស្រូបបំពេញទ្រូង ។ ញាតិមិត្តបងប្អូនស្រលាញ់និងបារម្ភពីអ្នក ហើយនិងមនុស្សជាច្រើនទៀតដែលស្ថិតនៅជុំវិញ ក៏ត្រៀមចាំផ្ដល់កម្លាំងចិត្តឲ្យអ្នកឈានដើរលើមាគ៌ាទៅកាន់ភាពជោគជ័យ ។

#ក្រៅពីខ្លួនអ្នកគ្មាននរណាអាចធ្វើឲ្យអ្នកបរាជ័យបាននោះទេត្រូវចាំទុក!!!!#

ត្រឹមតែមានការខកបំណងម្ដង អ្នកមានអារម្មណ៍ថាជីវិតនេះអស់ក្ដីសង្ឃឹមទៅហើយ ត្រឹមតែមនុស្សដែលអ្នកស្រលាញ់ម្នាក់ ដើរចេញពីជីវិតរបស់អ្នក អ្នកក៏មានអារម្មណ៍ថាមនុស្សទាំងអស់លើលោកនេះ បានដើរចាកចេញពីជីវិតអ្នកអស់ទៅហើយ ។
អ្នកយំតែម្ដង ក៏មានអារម្មណ៍ថាអ្នកលែងមានថ្ងៃ អាចញញឹមស្រស់ស្រាយឡើងវិញបានទៅហើយ ។

អ្នកមិនបានគិតទេថា.....នោះគ្រាន់តែជាអារម្មណ៍មួយ ពុំមែនជាការពិតទេ អ្នកខូចចិត្ត វាគ្រាន់តែជាអារម្មណ៍ក្នុងថ្ងៃនេះ ពេលនេះ តែវាពុំមែនជាការពិតរហូតនោះទេ អ្នកមានសិទ្ធនឹកគិត តែការគិតនោះគួរមានព្រំដែន....ត្រឹមនេះ ត្រឹមនោះ រឿងនេះ រឿងនោះ ព្រោះមិនយូរទៀតទេអ្វីៗនឹងល្អប្រសើរ នៅពេលដែលពពកខ្មៅ☁☁☁🌊🌊🌊រសាត់បាត់អស់ កុំបណ្ដោយឲ្យ វិប្បដិសារីជាន់ពន្លិចរូបអ្នក ក្នុងសមុទ្រទុក្ខ កុំគិតថាទុក្ខជាសម្បត្តិជាប់តាមរូបកាយអ្នកជារៀងរហូត ព្រោះអ្វីៗវាគ្រាន់តែជាកម្មសិទ្ធនៃបច្ចុប្បន្នប៉ុណ្ណោះ ។

#ការអស់សង្ឃឹមថ្ងៃនេះបណ្ដោយឲ្យវាទៅតាមអតីតកាលទៅចុះ

😢ទឹកភ្នែកដែលហូរចុះថ្ងៃនេះ ចូរទុកឲ្យវារសាត់ទៅតាមពេលវេលារួចហើយ ចូរមានជំនឿចិត្តថាអ្វីៗទាំងអស់ វាគ្រាន់តែជាកម្សួលអារម្មណ៍ ដែលបានកើតឡើងក្នុងថ្ងៃនេះប៉ុណ្ណោះ ។

សច្ចភាពរបស់ពិភពលោក នឹងឆ្លុះបញ្ចាំងឲអ្នកឃើញថាអារម្មណ៍របស់មនុស្សយើង ពុំមែនជារឿងចាំបាច់បំផុតនោះទេ​ ។
ការពិតទេតើ! ទើបជាសច្ចភាព ធ្វើឲ្យជីវិតក្លាយទៅជាជីវិតពិត!!!!

#ចូរបំភ្លេចសុបិនអាក្រក់ក្នុងអតីតកាលដ៏សែនឈឺចាប់!!!!!

ចូរស្រវាយកជីវិតពិត ក្នុងអនាគតដែលប្រាសចាកកំណត់ទឹកភ្នែក ការឈឺចាប់និងក្ដីអស់សង្ឃឹម!!!!!

អនាគត ស្ថិតនៅក្នុងដៃរបស់អ្នក 👊 អ្នកជាអ្នកគូសវាស ✏✏✏📈📈📉📉ទិដ្ឋភាព🌄🌄🌱🌲🌳🌴🌵🍀ផ្ទៃមេឃស្រឡះ ប្រាសចាកពពកខ្មៅងងឹត

អត្ថបទ : ឆែម ធីតា

Read More

ថ្ងៃមង្គលយើង

Read More

គិតច្រើន ជាមនុស្សមត់ចត់ ឬជាមនុស្សសុញកំសាក មិនហ៊ានសម្រេចចិត្ត?

ជាការពិត គេថាមនុស្សយើងមុននឹងធ្វើអ្វីគឺត្រូវតែ គិត គិតពិចារណ វិភាគថ្លឹងថ្លែង បែងចែកឱ្យបានល្អិនល្អន់ ក៏ប៉ុន្តែ ពេលខ្លះការគិត ល្អិតល្អន់ខ្លាំងពេក ក៏អាចធ្វើឱ្យមនុស្សក្លាយទៅជាអ្នកស្ទើរស្ទាក់ ហាក់មិនប្រាកដប្រជា រុញរា សុញគំនិត ធ្វើអ្វីមិនកើតជាការ ។

តួយ៉ាងដូចខ្ញុំជាដើម ជាមនុស្សម្នាក់ដែលចូលចិត្តគិត ខ្ញុំគិតថា ខ្ញុំជាមនុស្សម្នាក់ដែលមត់ចត់ ល្អិតល្អន់ តែក៏ហាក់ដូចជាតឹងតែងខ្លាំងណាស់ ពេលខ្លះគឺខ្ញុំធុញទ្រាន់នឹងភាព សុញ រុញរា ចែកមិនដាច់ ចង់សម្រេចការងារអ្វីមួយខ្ញុំមិនអាចធ្វើបាន ព្រោះតែការគិតពិចារណា ម៉ឺងម៉ាត់ជ្រុលហួសហេតុ ការដែលនៅគិតមិនអស់មិនហើយ វាក៏បណ្តោយឱ្យខ្ញុំបាត់បង់ឱកាសម្តងហើយម្តងទៀត ។ ក៏មានគេថាខ្ញុំមត់ចត់ តែសម្រាប់ខ្ញុំខ្លួនឯង ខ្ញុំថាខ្ញុំជាមនុស្សសុញច្រើនជាង ភាពរារែក អល់អែក ភាពចែកមិនដាច់ វាបានធ្វើឱ្យខ្ញុំមានភាពសោកស្តាយក្នុងការសម្រេចចិត្តយឺតពេល ។ មានពេលខ្លះ ខ្ញុំធ្វើការគិត សម្រេចចិត្ត កាន់ឆ្នាំក៏មាន ... ភាពស្ទើរស្ទាក់ ការគិតមិនអស់មិនហើយ ភាពល្អិតល្អន់ មត់ចត់ ម៉ឺងម៉ាត់ ដែលខ្ញុំមាននេះ វាពិតជាធ្វើឱ្យខ្ញុំមានអារម្មណ៍ធុញទ្រាន់ដឹងខ្លួនឯងខ្លាំងណាស់ វាធ្វើឱ្យខ្ញុំរារែក វាជាផ្នែកដែលធ្វើឱ្យខ្ញុំបរាជ័យ ខ្ញុំកំសាកដោយសារតែភាពល្អិតល្អន់របស់ខ្លួនឯង ចង់ស្រាយខ្លួនឯងពីភាពតានតឹង ចង់កាត់បន្ថយការគិតច្រើន តែខ្ញុំរំដោះខ្លួនឯងមិនបាន ព្រោះទោះយ៉ាងណាក៏ខ្ញុំមិនអាចបញ្ឈប់ការគិតមត់ចត់នេះបាន ខ្ញុំមិនសុំមតិយោបល់ពីអ្នកណា ដូច្នេះ ខ្ញុំក៏ត្រូវតែចំណាយពេលគិតដោយខ្លួនឯង គឺត្រូវតែគិតឱ្យល្អិតល្អន់ ដោយខ្លួនឯង មិនពឹងអ្នកណា គ្រាន់តែសង្ឃឹមថា ភាពមត់ចត់ ល្អិតល្អន់ ម៉ឺងម៉ាត់បែបនេះ នឹងជួយឱ្យខ្ញុំបានសម្រេចនូវអ្វីៗដែលខ្ញុំគិត និងធ្វើតទៅថ្ងៃមុខ ...

Read More

ចង់ទៅ ទៅៗ - ឱក សុគន្ធកញ្ញា [OFFICIAL MV]

Read More

វិលវិញមក​-Suly Pheng

Read More

Rasmey Hang Meas,សុំទោសដែលទុកអូនចោល ដោយ ឆន សុវណ្ណរាជ [OFFICIAL TEASER]

Read More

នាង ប្រាក់សុគន្ធ, អូនគ្មានសិទ្ធទៅចោលបងទេ, Cambodian idol 2016, Live Show...

Read More